Церковная гимназия. Класс 3-ий  [ЦГ3-1(120)] [25дек02] Божественная литургия

ГЛАВА 2 - ЛИТУРГИЯ ОГЛАШЕННЫХ

Оглавление 2

201  НАЧИНАТЕЛЬНЫЕ ВОЗГЛАСЫ

Д: Благослови, владыко. 
И: Благословено Царство Отца и Сына и
   Святаго Духа, ныне и присно
   и во веки веков.
Х: Аминь.

202  ВЕЛИКАЯ ЕКТЕНИЯ

Д: Миром Господу помолимся. 
Х: Господи, помилуй.

Д: О свышнем мире и спасении душ наших,
   Господу помолимся.
Х: Господи, помилуй.

Д: О мире всего мира,
   благостоянии святых Божиих церквей
   и соединении всех,
   Господу помолимся.
Х: Господи, помилуй.

Д: О святем храме сем
   и с верою, благоговением и страхом Божиим входящих в онь,
   Господу помолимся.
Х: Господи, помилуй.

(Здесь вставляются прошения о духовных и гражданских властях).

Д: О православном епископстве гонимыя Церкве Российския,
   о господине нашем высокопреосвященейшем митрополите Виталии,
   первоиерарсе Русския Зарубежныя Церкве,
   о господине нашем преосвященейшем архиепископе Антонии,
   честнем пресвитерстве, во Христе диаконстве,
   о всем притче и людех,
   Господу помолимся.
Х: Господи, помилуй.

Д: О страждущей стране российстей и православных людех ея
   во отечествии и разсеянии сущих и о спасении их,
   Господу помолимся.
Х: Господи, помилуй.

Д: О еже избавити люди своя
   от горькаго мучительства безбожныя власти,
   в нас же утверди единомыслие, братолюбие и благочестие,
   Господу помолимся.
Х: Господи, помилуй.

Д: О стране сей, властях и воинстве ея,
   Господу помолимся.
Х: Господи, помилуй.

(Конец прошений о духовных и гражданских властях).

Д: О граде сем, всяком граде, стране и верою живущих в них,
   Господу помолимся.
Х: Господи, помилуй.

Д: О благорастворении воздухов,
   о изобилии плодов земных
   и временех мирных,
   Господу помолимся.
Х: Господи, помилуй.

Д: О плавающих, путешествующих,
   недугующих, страждущих, плененных и о спасении их,
   Господу помолимся.
Х: Господи, помилуй.

Д: О избавитися нам от всякие скорби, гнева и нужды,
   Господу помолимся.
Х: Господи, помилуй.

Д: Заступи, спаси, помилуй и сохрани нас, Боже, Твоею благодатию.
Х: Господи, помилуй.

Д: Пресвятую, пречистую, преблагословенную,
   славную Владычицу нашу Богородицу и Приснодеву Марию,
   со всеми святыми помянувше,
   сами себе и друг друга
   и весь живот наш Христу Богу предадим.
Х: Тебе Господи.

И: Яко подобает Тебе всякая слава, честь и поклонение,
   Отцу и Сыну и Святому Духу, ныне и присно и во веки веков.
Х: Аминь.
Оглавление 2

203  ПСАЛОМ 102 (рв)

Х: Благослови, душе моя, Господа,
   благословен еси, Господи.

Х: 102:1. Благослови, душе моя, Господа,
          и вся внутренняя моя имя святое Его;

       2. Благослови, душе моя, Господа,
          и не забывай всех воздояний Его:

       3. очищающаго вся беззакония твоя,
          изцеляющаго вся недуги твоя.

       4. Избавляющаго от истления живот твой,
          венчающаго тя милостию и щедротами.

       8. Щчедр и милостив Господь,
          долготерпелив и многомилостив.

       1. Благослови, душе моя, Господа,
          и вся внутреняя моя, имя святое Его.

Х: Благословен еси, Господи.

Х: Слава Отцу и Сыну и Святому Духу, и ныне и присно и во веки
   веков, аминь.
Оглавление 2

204  МАЛАЯ ЕКТЕНИЯ

Д: Паки и паки миром Господу помолимся. 
Х: Господи, помилуй.

Д: Заступи, спаси, помилуй и сохрани нас, Боже,
   Твоею благодатию.
Х: Господи, помилуй.

Д: Пресвятую, пречистую, преблагословенную, славную
   Владычицу нашу Богородицу и Приснодеву Марию, со всеми
   святыми помянувше, сами себе, и друг друга, и весь живот
   наш Христу Богу предадим.
Х: Тебе Господи.

И: Яко Твоя держава, и Твое есть Царство, и сила, и слава,
   Отца и Сына и Святого Духа, ныне и присно и во веки веков.
Х: Аминь.
Оглавление 2

205  ПСАЛОМ 145 (рме)

Х: Слава Отцу и Сыну и Святому Духу:

Х: 145:1.  Хвали, душе моя, Господа:

       2.  восхвалю Господа в животе моем,
           пою Богу моему, дондеже есмь.

       3.  не надейтеся на князи, на сыны человеческия,
           в нихже несть спасения.

       4.  Изыдет дух его, и возвратится в землю свою:
           в той день погибнут вся помышления его.

       5.  Блажен, емуже Бог Иаковль Помощник его,
           упование его на Господа Бога своего,

       6.  сотворшаго небо и землю, море, и вся, яже в них:
           хранящаго истину в век,

       7.  творящаго суд обидимым,
           дающаго пищу алчущим.
           Господь решит окованныя:

       8.  Господь умудряет слепцы:
           Господь возводит низверженныя:
           Господь любит праведники.

       9.  Господь хранит пришельцы,
           сира и вдову приимет, и путь грешных погубит.

       10. Воцарится Господь во век,
           Бог твой, Сионе, в род и род.

Х: И ныне и присно и во веки веков, аминь.
Оглавление 2

206  ПЕНИЕ ГИМНА "ЕДИНОРОДНЫЙ СЫНЕ И СЛОВЕ БОЖИЙ"

Х: Единородный Сыне и Слове Божий,
   безсмертен сый,
   и изволивый спасения нашего ради
   воплотитися от Святыя Богородицы и Приснодевы Марии,
   непреложно вочеловечивыйся,
   распныйся же, Христе Боже,
   смертию смерть поправый,
   един сый Святыя Троицы,
   спрославляемый Отцу и Святому Духу, спаси нас.
Оглавление 2

207  МАЛАЯ ЕКТЕНИЯ

Д: Паки и паки миром Господу помолимся. Х: Господи, помилуй.

Д: Заступи, спаси, помилуй и сохрани нас, Боже, Твоею благодатию.
Х: Господи, помилуй.

Д: Пресвятую, пречистую, преблагословенную, славную Владычицу
   нашу Богородицу и Приснодеву Марию, со всеми святыми
   помянувше, сами себе, и друг друга, и весь живот наш Христу
   Богу предадим.
Х: Тебе Господи.

И: Яко благ и Человеколюбец Бог еси, и Тебе славу возсылаем, Отцу
   и Сыну и Святому Духу, ныне и присно и во веки веков.
Х: Аминь.
Оглавление 2

208  ПЕНИЕ ЕВАНГЕЛЬСКИХ БЛАЖЕНСТВ

Х: Во Царствии Твоем помяни нас, Господи,
   егда приидеши во Царствии Твоем.

Х: Матф.5:3.  Блажени нищии духом,
              яко тех есть Царство Небесное.

          4.  Блажени плачущии,
              яко тии утешатся.

          5.  Блажени кротцыи,
              яко тии наследят землю.

          6.  Блажени алчущии и жаждущии правды,
              яко тии насытятся.

          7.  Блажени милостивии,
              яко тии помиловани будут.

          8.  Блажени чистии сердцем,
              яко тии Бога узрят.

          9.  Блажени миротворцы,
              яко тии сынове Божии нарекутся.

          10. Блажени изгнани правды ради,
              яко тех есть Царство Небесное.

          11. Блажени есте егда поносят вам, и ижденут, и рекут
              всяк зол глагол на вы лжуще Мене ради.

          12. Радуйтеся и веселитеся, яко мзда ваша многа на
              небесех.
Оглавление 2

209  МАЛЫЙ ВХОД С ЕВАНГЕЛИЕМ


210  ПЕНИЕ "ПРИДИТЕ ПОКЛОНИМСЯ"

Д: Премудрость прости. 
Х: Приидите, поклонимся и припадем ко Христу.
   Спаси ны, Сыне Божий, воскресый из мертвых
   (или: во святых дивен сый,
   или: молитвами Богородицы),
   поющия Ти: аллилуиа.
Оглавление 2

211  ПЕНИЕ ТРОПАРЯ И КОНДАКА

     +------------------+
Х:   ! ТРОПАРЬ и КОНДАК !
     +------------------+

212  ВОЗГЛАС ДИАКОНА: "ГОСПОДИ СПАСИ БЛАГОЧЕСТИВЫЙ"

Д: Благослови, Владыко, время трисвятаго. 
И: Яко свят еси, Боже наш,
   и Тебе славу возсылаем,
   Отцу и Сыну и Святому Духу, ныне и присно

Д: Господи, спаси благочестивыя, и услыши ны. 
Х: Господи, спаси благочестивыя, и услыши ны.

Д: И во веки веков. Х: Аминь.
Оглавление 2

213  ПЕНИЕ "ТРИСВЯТАГО"

Х: Святый Боже, Святый крепкий, Святый безсмертный, помилуй нас.
                                            \(Трижды).
   Слава Отцу и Сыну и Святому Духу, ныне и присно и во веки
   Святый безсмертный помилуй нас.          \веков, аминь. -
   Святый Боже, Святый крепкий, Святый безсмертный, помилуй нас.

214  ПЕНИЕ "ПРОКИМНА"

Д: Вонмем. И: Мир всем.
Ч: И духови твоему. 
Д: Премудрость.

Ч: Прокимен, глас (говорится число).
     +----------+
Ч:   ! ПРОКИМЕН !
     +----------+

     +----------+
Х:   ! ПРОКИМЕН !
     +----------+
Оглавление 2

215  ЧТЕНИЕ АПОСТОЛА

Д: Премудрость. 
Ч: Деяний святых Апостол чтение.
   (Или: Соборнаго послания Иаковля, или Петрова чтение.
    Или: К римлянам, или к коринфянам, или к галатам
    послания святаго апостола Павла чтение).
Д: Вонмен.

     +---------+
Ч:   ! АПОСТОЛ !
     +---------+

И: Мир ти. Ч: И духови твоему.
Оглавление 2

216  ЧТЕНИЕ СВ.ЕВАНГЕЛИЯ

Д: Премудрость. Ч: Аллилуя.

Д: Благослови, владыко, благовестителя святаго Апостола и
   Евангелиста (говорится имя).
И: Бог молитвами святаго славнаго, всехвальнаго Апостола и
   Евангелиста (говорится имя),
   да даст тебе глагол благовествующему силою многою,
   во исполнение Евангелия возлюбленнаго Сына Своего Господа
   нашего Иисуса Христа.
Д: Аминь.

И: Премудрость, прости,
   услышим святаго Евангелия.
   Мир всем. 
Х: И духови твоему.

Д: От (говорится имя) святаго Евангелия чтение. 
Х: Слава Тебе, Господи, слава Тебе.

И: Вонмем.

     +-----------+
Д:   ! ЕВАНГЕЛИЕ !
     +-----------+

И: Мир ти благовествующему. 
Х: Слава Тебе, Господи, слава Тебе.
Оглавление 2

217  СУГУБАЯ ЕКТЕНИЯ (с9;л1)

Д: Рцем вси от всея души,
   и от всего помышления нашего рцем. 
Х: Господи, помилуй.

Д: Господи Вседержителю, Боже отец наших,
   молим Ти ся, услыши и помилуй.
Х: Господи, помилуй.

Д: Помилуй нас, Боже, по велицей милости Твоей,
   молим Ти ся, услыши и помилуй.
Х: Господи, помилуй. (Трижды).

(Здесь вставляются прошения о духовных и гражданских властях).

Д: Еще молимся
   о православном епископстве гонимыя Церкве Российския,
   о господине нашем высокопреосвященейшем митрополите Виталии,
   первоиерарсе Русския Зарубежныя Церкве,
   о господине нашем преосвященейшем архиепископе Антонии,
   и всей во Христе братии нашей.
Х: Господи, помилуй. (Трижды).

Д: Еще молимся
   о страждущей стране российстей и православных людех ея
   во отечествии и разсеянии сущих и о спасении их,
Х: Господи, помилуй. (Трижды).

Д: Еще молимся
   о еже избавити люди своя
   от горькаго мучительства безбожныя власти,
   в нас же утверди единомыслие, братолюбие и благочестие,
Х: Господи, помилуй. (Трижды).

Д: Еще молимся
   о стране сей, властях и воинстве ея,
Х: Господи, помилуй. (Трижды).

(Конец прошений о духовных и гражданских властях).

Д: Еще молимся
   о братиях наших священницех, священномонасех
   и всем во Христе братстве нашем.
Х: Господи, помилуй. (Трижды).

Д: Еще молимся
   о блаженных и приснопамятных святейших патриарсех
   православных, и благочестивых царех и благоверных царицах,
   и создателех святаго храма сего,
   и о всех преждепочивших отцех и братиях,
   зде лежащих и повсюду православных.
Х: Господи, помилуй. (Трижды).

Д: Еще молимся
   о плодоносящих и добродеющих во святем и всечестнем храме сем,
   труждающихся, поющих и предстоящих людех,
   ожидающих от Тебе великия и богатыя милости.
Х: Господи, помилуй. (Трижды).

И: Яко милостив и Человеколюбец Бог еси,
   и Тебе славу возсылаем,
   Отцу и Сыну и Святому Духу,
   ныне и присно и во веки веков.
Х: Аминь.
Оглавление 2

218  МОЛИТВА О СПАСЕНИИ РОССИИ

Д: Господу помолимся. 
Х: Господи помилуй.

И: Господи Иисусе Христе, Боже наш!

   Приими от нас недостойных рабов Твоих
   усердное моление сие и,
   простив нам вся согрешения нашя,
   помяни всех врагов наших,
   ненавидящих и обидящих нас,
   и не воздаждь им по делом их,
   но по велицей Твоей милости обрати их:
   неверных ко правоверию и благочестию,
   верных же во еже уклонитися от зла и творити благое.

   Нас же всех и церковь Твою святую
   всесильною Твоею крепостию
   от всякаго злаго обстояния милостивно избави.

   Страждущую землю русскую
   от лютых безбожник и власти их свободи,
   и воскреси святую православную Русь,
   верных же рабов Твоих,
   в скорби и печали день и нощь вопиющих к Тебе,
   многоболезненный вопль услыши,
   многомилостиве Боже наш,
   и изведи из истления живот их.

   Подаждь же мир и тишину, любовь и утверждение и
   скорое примирение людем Твоим,
   ихже честною Твоею кровию искупил еси.

   Но и оступившим от Тебе и Тебе не ищущым явлен буди,
   во еже не единому от них погибнути,
   но всем им спастися и в разум истинны приити,
   да вси в согласном единомыслии и в непрестанной любви
   прославят пречестное имя Твое,
   терпеливодушне, незлобиве Господи,
   во веки веков.

Х: Аминь.
Оглавление 2

219  ЕКТЕНИЯ ЗА УСОПШИХ

220  ЕКТЕНИЯ ЗА ОГЛАШЕННЫХ

Д: Помолитеся, оглашеннии, Господеви. 
Х: Господи, помилуй.

Д: Вернии, о оглашенных помолимся, да Господь помилует их.
Х: Господи, помилуй.

Д: Огласит их словом истины. 
Х: Господи, помилуй.

Д: Открыет им Евангелие правды. 
Х: Господи, помилуй.

Д: Соединит их святей Своей соборней и Апостольстей Церкви. 
Х: Господи, помилуй.

Д: Спаси, помилуй, заступи и сохрани их, Боже,
   Твоею благодатию.
Х: Господи, помилуй.

Д: Оглашеннии, главы вашя Господеви приклоните. 
Х: Тебе, Господи.

И: Да и тии с нами славят пречестное и великолепое имя Твое Отца
   и Сына и Святаго Духа, ныне и присно и во веки веков.
Х: Аминь.
Оглавление 2

221  ЕКТЕНИЯ С ПОВЕЛЕНИЕМ ОГЛАШЕННЫМ ОСТАВИТЬ ХРАМ

Д: Елицы оглашеннии, изыдите,
   оглашеннии, изыдите,
   елицы оглашеннии, изыдите.
   Да никто от оглашенных, елицы вернии,
   паки и паки миром Господу помолимся.
Х: Господи помилуй.

Д: Заступи, спаси, помилуй и сохрани нас,
   Боже, Твоею благодатию.
Х: Господи, помилуй.

Д: Премудрость. 
И: Яко подобает Тебе всякая слава, честь и поклонение,
   Отцу и Сыну и Святому Духу, ныне и присно и во веки веков.
Х: Аминь.
Оглавление 2

Литература на наших эл. стр.
Божественная Литургия (Обзор) (ДД-10)

 


Учебник для «Церковной гимназии, 3-го класса [ЦГ3-1(120)] -
Божественная литургия Cвятаго Иоанна Златоустаго.
Глава 2 - Литургия оглашенных»

Церковная гимназия при
Храме Всех Святых в земле Российской просиявших
School at the Church of all Russian Saints, 744 El Camino Real, Burlingame, CA 94010-5005
эл. страницы: http://www.dorogadomoj.com/
g3lit120.html,  (05фев87),  25дек02
Оглавление
НАВЕРХ
НА ГЛАВНУЮ СТРАНИЦУ